想愛尋到你个身影，
敨氣聲係在風肚留下个腳跡。
寄一封日頭花織个信仔，
請風吹在樹下。
愐毋起你个聲音，
淨聽樹葉仔 微微仔
噥噥哢哢。
背等烈烈个日頭，
燒忒講毋出个話。
火燂煤跌下，
加深 烏嗑嗑个目眉毛。
毋曉你手巴掌个溫度，
淨感受土地激激顫个燒。
唱一首星斗屑仔䌈等个曲，
請月光潑在海面。
想毋出你个反應，
淨看沙仔跈棕樹 恬恬仔
樂暢樂暢。
浞等合水个河溪，
浸過重鈂鈂个時光。
掀開夜个揞仔，
加長 白雪雪个頭那毛。
毋知你停下步行个時，
淨道嘆星仔過江無幾久。
想愛尋著你个身影
留下个影仔係拖過地泥个消息
添放忒个，
愐毋清个你。
在記憶肚 俚搞等
打宕窿个囥人尋。
捉迷藏 (華語語譯)
想要找尋你的身影，
吐息聲是我在風中留下的足跡。
寄一封日頭花1織成的信，
請風吹在樹下。
想不起你的聲音，
只聽見樹葉間 微微的
細碎呢喃。
駝著炎炎烈日，
燒淨說不出口的話。
焦灰跌下，
加深 我漆黑的眉毛。
不知你手心的溫度，
只能感受到土地劇烈的炙熱。
唱一首星屑繫成的曲，
請月光潑灑在海面。
想不出你的反應，
但看細沙隨著棕樹 恬靜的
安然自得。
踏過匯聚而流的銀河，
漫過沉甸甸的時光。
掀開夜的面紗，
加長 我瑩白的髮絲。
不知你停下腳步的霎那，
僅能感嘆流星劃過的短暫。
想要找尋你的身影，
遺留的影子是我拖過大地的消息。
不記得的我，
記不清的你。
在記憶中 我們玩著
不斷錯過的捉迷藏。
1日頭花，指日光灑落後，樹蔭間閃動構成的網狀光影。
延伸閱讀
